Enriedu

Alcuérdome de pensar (siempre) que les meyores nueches son les que nun se planifiquen, les que xurden de la nada y rematan acercándose al todo; les más prestoses son delles nes que les piedres conviértense en polvu...

Margarit

Alcuérdome de tolos momentos en que fui misteriosamente feliz...

Entrellaciando llingües

Alcuérdome de la curiosa sensación al escuchar un telediariu´n castellanu y traducilu mentalmente al gallegu, pensando pa mí: "cada día usan peor a lingua"; d´escribir n´asturianu y duldar de si la conxugación usada ye la galaica, d´axuntar constantemente les pallabres, de tar falando y pensar nel idioma de la mi tierra adoptiva... Pásame cada vegada más...

Paisanu

Alcuérdome de cuando decíes que yeres esi poema d´Ángel González; que tú tamién quedabes ensín pulsu nin aliendu al marchar de la nuesa casa de lluz...

Tando alredor

Alcuérdome de la primer vegada; de la casualidá d´alcontrame coles sos lletres y descubrime dientru de cada pallabra...

Mala idea

Alcuérdome de pensar, na metá les patétiques clases de solféu del conservatoriu, que la meyor solución para escapar d´ellí yera saltar pela ventana al patiu del conventu de relixioses que taba al llau. Nun yera una decisión tomada a la llixera: calculaba too lu minuciosamente que pue facelu unha neña de ocho años como sería la cayida, l´impautu contra´l suelu, les probabilidaes de sobrevivir...

Guardilla

Alcuérdome d´imaxinar les tardes d´adolescencia del mio padre faciendo xirar los últimos discos dos Beatles llegáus a Avilés en barcu...

Paquidermos

Alcuérdome de cuando les Saleses llamábense Mamut y comprábemos chocolate Côte d´Or...

XV

Alcuérdome de la mi taquicardia camín de la estación, la sensación de conocelu de toa la vida y l´amor sobrevolando´l ñeru´l cuquiellu...

Mes

Alcuérdome de los falsos capuccinos, les reparaciones tecnolóxiques y los masaxes prauticaos nel sofá más incómodu del mundu...

Piyama

Alcuérdome duna camiseta de publicidá dun perfume qu´usaba pa dormir y que ponía: "Me gusta Verte..."

Lladríu

Alcuérdome d´escuchalu dende perlloñe enantes de saber que yera imposible...

Tudela

Alcuérdome dun branu nel centru´l mapa y mio pá diciendo:"El Bladi tiembla en la Mambla cuando le hablamos en bable"...

Cielu

Alcuérdome de la so voz al otru llau de les ondes telefóniques, anque teóricamente ye lu primeru qu´olvidamos...

Tejerina

Alcuérdome de los preciosos xerséis que texía mio madre cuando yéremos pequeñas...

Sito

Alcuérdome del profesor de natación que mos puxaba dende´l trampolín de la piscina...

Maternidá

Alcuérdome del reló que y-presté a mio madre enantes de tener a M....

Índigu

Alcuérdome del color de los güeyos de la mi hermana al ñacer...

Diariu

Alcuérdome de la mi güela animándome a escribir...

Termostatu averiau

Alcuérdome de los mios padres contándome que, nel mi primer iviernu, teníen que poneme manoples, gorru y bufanda del fríu que facía la nuesa guardilla...

Atragantamientu

Alcuérdome de la nueche que vi pasar la mio vida en diapositives imaxinaries...

Tabacu

Alcuérdome del mi güelu maternu sentau nuna butaca del pisu once col so piyama marrón...

Pilotu

Alcuérdome de los dictaos con terminoloxía marinera que me facía Papín nel papel que traía d´Ensidesa...

Rises

Alcuérdome de Tata gastándo-yos bromes a les visites cola copa máxica...

Siesta

Alcuérdome de la mi güela materna diciendo: "Voi a echar un pigazu", dempués de comer...

Coleicionista

Alcuérdome de la tarde na que vi la portada la primer maqueta de Verano en Lisboa na pantalla dun cine, dientro dun ciclu de Röhmer...

Táctica

Alcuérdome de la mi perfeuta estratexa infantil, que consistía en facer lu que me prestaba "güei sí, mañana non" y lu que non "güei non, mañana sí", nun bucle infinitu...

Terminal

Alcuérdome de too lu que me dixisti nel avión...

Candy Candy

Alcuérdome del cantar que sonaba nel Land Rover aquel domingu d´iviernu volviendo de Llaranes, cuando´l motor entamó a arder...Mio pá esperó a la grúa n´autopista, na metá de la nueche, cun fríu espantosu...Mio madre y yo volvimos a Uviéu nun coche de polícía conducíu por un simpáticu axente que mos dexó na mesma puerta de casa...

París

Alcuérdome del cine nel que A. y yo vimos "Los amantes del círculu polar", del paséu hasta casa y daquel ratu abrazaos, coles llárimes resbalando´n silenciu, aínda nun sé por qué...

Moni

Alcuérdome de les calcomaníes, que de pequeña llamaba "calcamoníes"...Y sé que nun yera la única...

Premonición

Alcuérdome de despidime del mi güelu paternu dende la ventana y saber que yera la última vegada...

Áticu

Alcuérdome de los abrazos rotos y les caricies de gatu...

Frida

Alcuérdome d´adentrame na to vida na cai del Vilar...

León, 7

Alcuérdome de Cohen y Dylan dando la bienvenida, la calor nel suelu´l salón coloráu, los primeros rayos de sol escondíos ente les sábanes de l´habitación azul, la cocina ensín lluz y el malabarismu cola cortina la ducha. Eso y los minúsculos (pero interminables) viaxes nel ascensor hidráulicu...

Katiusques

Alcuérdome de les pisaes de Doña Mercedes pola biblioteca del colexu coles sos botes marielles...

Vitalidá

Alcuérdome de la bicicleta de la Supergüela...

Norit

Alcuérdome duna furgoneta que pasó delantre de min una tarde na plaza Puente Castro. Taba decorada con dibuxos maraviyosos que transportábente, inevitablemente, al "Valle Secretu" col Profesor Popsnuggle...

Valentina

Alcuérdome de los sos preciosos güeyos azules, la so aparente fraxilidá y aquella (sanamente) envidiable calma aprendiéndonos los númberos...

Dalgo máxicu

Alcuérdome d´asomame a la ventana de la guardilla y velu too blancu...Dende entós, cuando nieva illumínaseme la cara...

Palíndromu

Alcuérdome del (des)alcuentru de Anna y Otto na Plaza Mayor...

Hammond

Alcuérdome de los botones de colores y esi peculiar soníu envolviéndolu too...

Ruedes

Alcuérdome de la maleta arrastrándose pol pasillu del tercer pisu...

Nueche sociedá anónima

Alcuérdome de cruciar el patiu butaques dun teatru antiguu coyíos de la mano...

Ilusión

Alcuérdome de la espresión d´allegría nos güeyos de los mios padres mientres abríemos los regalos de Reyes...

Obsesiones

Alcuérdome de N., los abrigos y les matriusques...

Lira

Alcuérdome de quedar atrapada mirando l'escaparate de la tienda d 'instrumentos musicales de la plaza la Xesta ...

Númberu atómicu 47

Alcuérdome del golor de la gota escapando del fueu na segunda posición del podiu...

127

Alcuérdome del coche que teníen los mios padres cuando yera una cría...Y del discu de jr...