Alcuérdome: diciembre 2009

Alcuérdome de les nueses teoríes sobre la desapaición del Kojak ácidu y los Doritos rock´n´cream...La posible presencia de sustancies sospechoses siempre taba de por mediu...

Tranvíes

Alcuérdome de pasiar con J. por Lisboa...

Katovit

Alcuérdome de sentirmos invencibles, imparables, incombustibles...Yera entós cuando, rodeaos de llibros y apuntes, creíemos poder con too...

Razz 1

Alcuérdome de los nervios previos a la recoyida del "Premiu Polar"...

Turismu

Alcuérdome d´escribir una canción de Verano en Lisboa nun viaxe en bus pola costa atlántica...

Bolsu

Alcuérdome de dibuxar estrelles nel to brazu, enantes de que l´arena de San Lorenzo colonizase toes les mis pertenencies...

Hello Kitty

Alcuérdome de perder la mi sudadera favorita nel Retiru y volver a alcontrala un ratu dempués...

Coincidencies grafolóxiques

Alcuérdome de que, na mi cuarta mañana de Reyes, y dempués de lleer una nota nun regalu, dixi-y al mio pá:-"Papá, Melchor escribe como tú"...

Na metá de la pausa

Alcuérdome del to arrebatu mientres veíemos "Iván Z."...

Ruiz de la Peña

Alcuérdome (pa mal) del mi profesor de solféu del Conservatoriu...

Alcuérdome de les virutes de colores qu´adornaben les galletes del cumpleaños que C. celebró na terraza d´alantre. Nunca nun las viera hasta entós. El día qu´atopeles nun supermercáu perdieron toa la so maxia...

Mamma mia

Alcuérdome de les casadielles que mos fizo la to ma...

San Lorenzo

Alcuérdome d´una lluvia d´estrelles nel Muru...

Conxugación

Alcuérdome de les mis duldes ente "pleurer" y "pleuvoir". Pensaba que, en realidá, nun taben tan separaes semánticamente...

Gigia

Alcuérdome, siempre, de cada un de los rincones recorríos en Xixón...

Desenfrenu

Alcuérdome del mi primer esame (suspensu) de conducir. Ellí supi que´l asuntu del timbre qu´ aicionaba el monitor al pisar los sos pedales nun yera una lleenda urbana...

Esplicaciones

Alcuérdome d´aclarate eso que m´entrugues, anque tú perdiéreslu na to (selectiva) memoria...

Ñeru

Alcuérdome de cuánto me prestaba´l vistíu d´abeyes qu´heredé de la mi prima L....

Flex

Alcuérdome de cuando quería vivir en Noreña...

Climatoloxía

Alcuérdome de la calor nel iviernu y el fríu nel branu...

Candilexes

Alcuérdome de lleer nel mi primer llibru de llectoescritura: "Lucía encendió un quinqué". Entós pensé que la última pallabra escuendía un gran misteriu...

Mansión Konnisberg

Alcuérdome del fumu, les bufandes y les canciones na to guardilla, nel to país...

Borja

Alcuérdome perfeutamente del protagonista del llibru de llectura de 1º de E.X.B...

Fina

Alcuérdome de lo riques que taben les croquetes del comedor de Mafalda...

Nomenclatures

Alcuérdome de cuando´l Twix llamábase Raider...

Verdá

Alcuérdome de y-dar la razón a Manuel María dempués de lleer la so sentencia: "O amor non ten volta atrás"...

Loru

Alcuérdome del sabor dunos aros de colores de cereal...

Arrebatu

Alcuérdome de Cecilia Roth como Betty Boop...

Dulces sorpreses

Alcuérdome de les chocolatines que S. traía de Londres enantes de qu´esistiesen equí...

Confusion is sex

Alcuérdome de confundir a G. con A. nel Guetu...

Animales domésticos

Alcuérdome de cuando Zar cazó a Pinky al vuelu...

Babies

Alcuérdome dunos moñequinos que veníen metíos nun sobre.
Toos queríemos que mos tocase´l críu negru porque dicíase que cambiábenlu por mil de los otros...